ស្ថានឯកអគ្គរាជទូតកម្ពុជាប្រចាំប្រទេសជប៉ុន សូមជម្រាបជូនសាធារណជនមេត្តាជ្រាបថា ស្ថានទូតបាននិងកំពុងរៀបចំកម្មវិធីរបស់ឯកឧត្តមឯកអគ្គរាជទូតនិងសហការី ចុះសួរសុខទុក្ខកម្មសិក្សាការី ដែលរងផលប៉ះពាល់ដោយសារទឹកជំនន់ នៅប៉ែកនិរតីនៃប្រទេសជប៉ុន រួមមានខេត្ត Saga និង Kumamoto ។ ប៉ុន្តែស្ថានទូតមានការសោកស្តាយជាពន់ពេក ដែលការជួបជុំនៅខេត្ត Kumamoto មិនអាចរៀបចំបាន ដោយសារតែសមាគមគ្រប់គ្រងកម្មសិក្សាការី ដែលជាអ្នកសម្របសម្រួលកម្មវិធីព្រួយបារម្ភពីការឆ្លងវីរុសកូវីដ១៩ ។ ទោះបីជាយ៉ាងណាក៏ដោយ ក៏ឯកឧត្តម ឯកអគ្គរាជទូត និងក្រុមការងារ​នឹងអញ្ជើញ​ជួបសំណេះសំណាល​ជាមួយបង​ប្អូនប្រជា​ពលរដ្ឋ និស្សិត និងកម្មសិក្សាការី​នៅខេត្ត Fukuoka ដោយមាន​ការចូលរួមពីបងប្អូនមកពីខេត្ត Saga ដែរ នៅរសៀល​ថ្ងៃអាទិត្យ​ ទី០៩​ ខែសីហា ឆ្នាំ២០២០។ ទន្ទឹមនេះ ស្ថានទូតក៏កំពុងសម្របសម្រួលរៀបចំកម្មវិធីសំណេះសំណាលជាមួយបងប្អូនប្រជាពលរដ្ឋនៅខេត្តYamaguchi នៅថ្ងៃទី០៨ ខែសីហា ឆ្នាំ២០២០ ផងដែរ។

カテゴリー: Embassy | 投稿日: | 投稿者:

នៅថ្ងៃអាទិត្យទី២៦ ខែកក្កដា ឆ្នាំ២០២០ ឯកឧត្តម អុឹង រចនា ឯកអគ្គរាជទូតនៃព្រះរាជាណាចក្រកម្ពុជាប្រចាំប្រទេសជប៉ុន និងក្រុមការងារ បានអញ្ជើញទៅសួរសុខទុក្ខ បងប្អូនប្រជាពលរដ្ឋ និស្សិត កម្មសិក្សាការី និងពលករ ដែលកំពុងរស់នៅ សិក្សា និងធ្វើការនៅក្រុងNagoya និងខេត្តGifu នៅភាគកណ្តាលនៃប្រទេសជប៉ុន។ នាឱកាសនោះ ឯកឧត្តមឯកអគ្គរាជទូតបាននាំយកអំណោយរួមមាន អង្ករ គ្រឿងបរិភោគ និងម៉ាស របស់រាជរដ្ឋាភិបាលកម្ពុជា និងអង្គការសប្បុរសរបស់ជប៉ុន ចែកជូនដល់បងប្អូនដែលបានអញ្ជើញចូលរួម។ ឯកឧត្តមឯកអគ្គរាជទូត និងក្រុមការងារនឹងបន្តចុះសួរសុខទុក្ខបងប្អូនប្រជាពលរដ្ឋ និស្សិត កម្មសិក្សាការី និងពលករ ដែលរស់នៅខេត្ត Hiroshima, Saga និងKumamoto ដែលរងផលប៉ះពាល់យ៉ាងធ្ងន់ធ្ងរដោយជំនន់ទឹកភ្លៀង ក្នុងពេលឆាប់ៗខាងមុខនេះ។

カテゴリー: Embassy | 投稿日: | 投稿者:

នៅថ្ងៃទី១៥​ ខែកក្កដា ឆ្នាំ២០២០ ​ឯកឧត្តមឯកអគ្គរាជទូត បានទទួលអំណោយជាគ្រឿងបរិភោគពីប្រធានសមាគម​ Seseragi Mishima Rotary Club មកពីខេត្ត Shizuoka សម្រាប់​ជួយពលរដ្ឋខ្មែរនៅប្រទេសជប៉ុន ដែលកំពុងជួបការលំបាកដោយសារការរីករាលដាលនៃជំងឺកូវីដ១៩ និងគ្រោះទឹកជំនន់។

カテゴリー: Embassy | 投稿日: | 投稿者:

នៅថ្ងៃទី១៥ ខែកក្កដា ឆ្នាំ២០២០ ឯកឧត្តម ឯកអគ្គរាជទូត បានទទួលសមាគមនិស្សិតខ្មែរនៅប្រទេសជប៉ុន ដើម្បីសួរសុខទុក្ខ និងផ្លាស់ប្ដូរយោបល់គ្នាស្តីពីការងាររបស់សមាគមនាពេលអនាគត ។

カテゴリー: Embassy | 投稿日: | 投稿者:

នៅថ្ងៃអាទិត្យ ទី១២ ខែកក្កដា ឆ្នាំ២០២០ ឯកឧត្តមឯកអគ្គរាជទូត និងសហការីបានយកទេយ្យទានប្រ​គេនព្រះសង្ឃ និងចូលរួមពិធីបុណ្យចូលព្រះវស្សានៅវត្តបារមីគិរីខេមរាភ្នំបិតាធំ នៅខេត្តកាណាហ្គាវ៉ា។

カテゴリー: Embassy | 投稿日: | 投稿者: