ចូលរួមថែរក្សាប្រពៃណីយើង ទោះបីជានៅទីណាក៏ដោយ ។ វេចនំអន្សមនៅស្ថានឯកអគ្គរាជទូតកម្ពុជាប្រចាំប្រទេសជប៉ុន ដេីម្បីទុកចូលរួមក្នុងឱកាសភ្ជុំបិណ្ឌ។ នំអន្សម ជានំដែលប្រជាពលរដ្ឋខ្មែរស្ទើរគ្រប់ក្រុមគ្រួសារ តែងតែរៀបចំវេចនំប្រភេទនេះជារៀងរាល់ឆ្នាំក្នុងរដូវបុណ្យប្រពៃណីជាតិខ្មែរ ជាពិសេសរដូវបុណ្យភ្ជុំបិណ្ឌ ក្រៅពីពិធីបុណ្យនេះ នៅក្នុងពិធីមង្គលការគេក៏តែងឃើញមានវេចនំអន្សមផងដែរ។
នៅថ្ងៃទី៧ ខែកញ្ញា ឆ្នាំ២០២០ ឯកឧត្តម ឯកអគ្គរាជទូត និងសហការី បានជួបពិភាក្សាជាមួយលោក MAEDA Ryuhei ទីប្រឹក្សាជាន់ខ្ពស់ ទទួលបន្ទុកកិច្ចការអន្តរជាតិរបស់ក្រុមហ៊ុន ANA និងឯកឧត្តម TAKAHASHI Fumiaki ប្រធានសមាគមជប៉ុនកម្ពុជា អំពីលទ្ធភាពនៃការហោះហើររបស់ក្រុមហ៊ុនអាកាសចរណ៍ ANA ណារីតា-ភ្នំពេញ-ណារីតា ឡើងវិញក្នុងពេលខាងមុខ។ លោក MAEDA បានបញ្ជាក់ថា ក្នុងស្ថានភាពបច្ចុប្បន្ននេះ ក្រុមហ៊ុនANA មិនទាន់អាចហោះហើរធម្មតាឡើងវិញ បានទេ តែអាចមានការហោះហើរពិសេស (Charter flight) ក្នុងករណីមានការស្នើសុំរបស់អ្នកដំណើរជាក្រុម ។
នៅថ្ងៃទី០៥ ខែកញ្ញា ឆ្នាំ២០២០ ឯកឧត្តម ឯកអគ្គរាជទូត និងក្រុមការងារ បានជួបសំណេះសំណាលជាមួយ ប្អូនៗនិស្សិត កម្មសិក្សាការី ដែលមានការលំបាក និងបាត់បង់ការងារ ឬបាត់បង់ចំណូល លើសពី៥០% ដោយសារជំងឺកូវីដ ១៩ និងបានផ្តល់ថវិកា និងគ្រឿងឧបភោគបរិភោគ ដែលជាអំណោយរបស់អង្គការ សប្បុរសធម៌ជប៉ុន និងរាជរដ្ឋាភិបាលកម្ពុជា។
នៅថ្ងៃទី០៤ ខែកញ្ញា ឆ្នាំ២០២០ ឯកឧត្តមឯកអគ្គរាជទូត និងសហការី បានអញ្ជើញចូលរួមកាន់បិណ្ឌ វេនទី២ នៅវត្តបារមីគិរីខេមរាភ្នំបិតាធំ។ សូមអនុមោទនា 🙏🙏🙏
ស្ថានឯកអគ្គរាជទូតកម្ពុជាប្រចាំប្រទេសជប៉ុនសូមជម្រាបជូនប្អូនៗនិស្សិតកម្ពុជាដែលកំពុងសិក្សានៅប្រទេសជប៉ុន ជាពិសេសនិស្សិតថ្នាក់បរិញ្ញាបត្រឆ្នាំទី៣ឬទី៤ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ដែលសិក្សាមុខវិជ្ជាផ្នែកបរិស្ថានឬមុខវិជ្ជាពាក់ព័ន្ធនឹងបរិស្ថាន ឲ្យបានជ្រាបថា មជ្ឈមណ្ឌលអាស៊ាន-ជប៉ុន (ASEAN-Japan Centre) អំពាវនាវឲ្យនិស្សិតដែលមកពីបណ្តាប្រទេសសមាជិកអាស៊ាន ដាក់ពាក្យចូលរួមព្រាងសេចក្តីប្រកាសរបស់ថ្នាក់ដឹកនាំនាពេលអនាគតស្តីពីកិច្ចសហប្រតិបត្តិការអាស៊ាន-ជប៉ុនសម្រាប់បញ្ហាកាកសំណល់ប្លាស្ទីកនៅតាមសមុទ្រអន្តរជាតិ (Future Leaders’ Declaration on ASEAN-Japan Cooperation for International Marine Plastic Waste) ។ ក្នុងករណីប្អូនៗចាប់អារម្មណ៍ សូមដាក់ពាក្យចូលរួមព្រាងសេចក្តីប្រកាសនេះ និងសូមអានលក្ខខណ្ឌលម្អិតនៅក្នុងសេចក្តីប្រកាសនេះ អានសេចក្ដីប្រកាស
