នៅថ្ងៃទី២៥ ខែវិច្ឆិកា ឆ្នាំ២០២០ ឯកឧត្តម ឯកអគ្គរាជទូតបានទទួលជំនួបសម្តែងការគួរសមដោយឯកឧត្តម Soe Han ឯកអគ្គរដ្ឋទូតមីយ៉ាន់ម៉ាថ្មីប្រចាំប្រទេសជប៉ុន ។ នៅក្នុងឱកាសនោះ ឯកឧត្តម Soe Han បាន ថ្លែងអំណរគុណចំពោះរាជរដ្ឋាភិបាល និងប្រជាជនកម្ពុជាដែលបានផ្តល់ជំនួយដល់មីយ៉ាន់ម៉ានាពេលកន្លងមកក្នុងពេលទឹកជំនន់ រួមទាំងម៉ាស់ចំនួន២លានសន្លឹក និង សម្ភារៈវេជ្ជសាស្រ្តផ្សេងទៀត ដែលត្រូវដឹកតាមយន្តហោះពិសេសទៅមីយ៉ាន់ម៉ា នៅថ្ងៃទី២៦ ខែវិច្ឆិកា ឆ្នាំ២០២០ ដើម្បីរួមចំណែកដល់​កិច្ចខិតខំប្រឹងប្រែងរបស់រដ្ឋាភិបាលមីយ៉ាន់ម៉ាក្នុងការទប់ស្កាត់ការរីករាលនៃជំងឺកូរីដ១៩ ។

This entry was posted in Embassy on by .

នៅថ្ងៃទី២៣ ខែវិច្ឆិកា ឆ្នាំ២០២០ ឯកឧត្តមឯកអគ្គរាជទូត បានដឹកនាំកិច្ចប្រជុំគណៈកម្មាធិការពិព័រណ៍កម្ពុជា ដើម្បីពិនិត្យលទ្ធភាពក្នុងការរៀបចំពិព័រណ៍កម្ពុជា ២០២១ នៅទីក្រុងតូក្យូ។

This entry was posted in Embassy on by .

នៅថ្ងៃទី២២ ខែវិច្ឆិកា ឆ្នាំ២០២០ ឯកឧត្តមឯកអគ្គរាជទូតនៃព្រះរាជាណាចក្រកម្ពុជាប្រចាំប្រទេសជប៉ុន និងក្រុមការងារ បានអញ្ជើញចុះសួរសុខទុក្ខបងប្អូនប្រជាពលរដ្ឋ កម្មសិក្សាការី និងពលករ នៅស្រុកAikawa ខេត្ត Kanagawa និងរៀបចំពិសាអាហារសាមគ្គីយ៉ាងសប្បាយរីករាយ ប្រកបដោយភាពស្និទ្ធស្នាល ។

This entry was posted in Embassy on by .

នៅថ្ងៃទី១៨ ខែវិច្ឆិកា ឆ្នាំ២០២០ ស្ថានទូតបានសហការជាមួយសមាគមជប៉ុន-កម្ពុជា (Japan-Cambodia Association) រៀបចំសិក្ខាសាលាស្តីពីវិនិយោគនិងពាណិជ្ជកម្មកម្ពុជា ដោយមានធុរជននិងវិនិយោគិនជប៉ុនជាច្រើនចូលរួម ។ ស្ថានទូតបានធ្វើបទបង្ហាញអំពីស្ថានភាពសេដ្ឋកិច្ច ពាណិជ្ជកម្ម វិនិយោគ ទេសចរណ៍ និងទស្សនៈវិស័យអភិវឌ្ឍសេដ្ឋកិច្ចនាពេលអនាគតរបស់កម្ពុជា និងមានចែកជូនសៀវភៅណែនាំអំពីច្បាប់វិនិយោគកម្ពុជាជាភាសាជប៉ុន-អង់គ្លេស (ច្បាប់វិនិយោគថ្មីនឹងចេញនៅពេលសមស្របខាងមុខ)។ ឯកឧត្តម IMAMURA Masahiro ប្រធានសម្ព័ន្ធមិត្តភាពសភាជប៉ុន-កម្ពុជា ក៏បានអញ្ជើញចូលរួមថ្លែងសុន្ទរកថាបើកផងដែរ ។

This entry was posted in Embassy on by .

នៅថ្ងៃទី១៧ ខែវិច្ឆិកា ឆ្នាំ២០២០ ឯកឧត្តមឯកអគ្គរាជទូត បានអញ្ជើញចូលរួមពិធីប្រគល់-ទទួលរថយន្តពន្លត់អគ្គីភ័យ និងរថយន្តដឹកសម្រាម ដែលជាអំណោយរបស់ក្រុង Kawasaki ក្រោមការសម្របសម្រួលរបស់ Kawasaki Rotary Club ជូនដល់ក្រសួងបរិស្ថានកម្ពុជា ។

This entry was posted in Embassy on by .