Category Archives: Embassy

សេចក្ដីជូនដំណឹង៖ •ចាប់ពីម៉ោង០០:០០ថ្ងៃទី១៤ ខែមករា ឆ្នាំ២០២១ រដ្ឋាភិបាលជប៉ុនផ្អាក “ច្រកចូលសម្រាប់ការស្នាក់នៅ” (Residence Track) និង “ច្រកធុរកិច្ច” (Business Track) ដែលកំពុងអនុវត្តជាមួយប្រទេស និងតំបន់ទាំងអស់ រួមទាំងកម្ពុជា ។ •អ្នកដំណើរចូលប្រទេសជប៉ុនចាប់ពីម៉ោង០០:០០ថ្ងៃទី១៤ ខែមករា ឆ្នាំ២០២១ ត្រូវធ្វើកិច្ចសន្យា (ដូចមានគំរូជូនភ្ជាប់)។ •ចំពោះអ្នកដែលទទួលបានទិដ្ឋាការចូលជប៉ុនតាមរយៈ ”ច្រកចូលសម្រាប់ការស្នាក់នៅ” និង “ច្រកធុរកិច្ច” រួចហើយ អាចចូលប្រទេសជប៉ុនបានត្រឹមម៉ោង ០០:០០ ថ្ងៃទី ២១ ខែមករា សម្រាប់ព័ត៌មានលម្អិតសូមអានសេចក្ដីជួនដំណឹងខាងក្រោម។

នៅថ្ងៃទី១០ ខែមករា ឆ្នាំ២០២១ ស្ថានឯកអគ្គរាជទូតនៃព្រះរាជាណាចក្រកម្ពុជា ប្រចាំប្រទេសជប៉ុន បានរៀបចំមីទ្ទីងអបអរសាទរខួប៤២ឆ្នាំ ទិវាជ័យជម្នះ៧ មករា តាមវីដេអូខន់ហ្វ្រេន ។ ឯកឧត្ដម ឯកអគ្គរាជទូតបានលើក៖ ១- កូវីដ១៩ អាចកាត់បន្ថយសកម្មភាព របស់យើងខ្លះ តែមិនអាចរារាំងស្មារតី៧មករារបស់យើងបានទេ ។ ២- សមិទ្ធផលសម្រេចបាន ក្នុងរយៈពេល ៤២ ឆ្នាំកន្លងទៅនេះ ជាពិសេស នយោបាយឈ្នះ-ឈ្នះ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។ ៣- “សន្តិភាពពេលលេញបាននាំមកនូវការអភិវឌ្ឍ“ ដូចនេះយើងទាំងអស់គ្នាត្រូវចូលរួមថែរក្សាសន្តិភាពអោយបានគង់វង្ស ទោះក្នុងតំលៃណាក៏ដោយ ។ ៤- ស្នើបងប្អូនបង្កើនការរួបរួមសាមគ្គីគ្នា ចូលរួមការងារសង្គម និងគាំទ្ររាជរដ្ឋាភិបាល ។ បងប្អូនចូលរួមបានសំដែងការដឹងគុណចំពោះថ្ងៃ ៧ មករា ហើយបានបញ្ជាក់ថា “បើគ្មានថ្ងៃ៧មករា ពួកគាត់មិនអាចមកសិក្សា មកធ្វើការ និងរស់នៅប្រទេសជប៉ុនបានដែរ“ ។ ដូច្នេះពួកគាត់នឹងខិតខំពន្យល់បងប្អូនខ្មែរទាំងអស់រួមកម្មសិក្សាការី និងពលករជំនាញ យល់ពីតំលៃនៃជ័យជំនះ៧មករា គាំទ្ររាជរដ្ឋាភិបាលក្រោមការដឹកនាំរបស់សម្តេចតេជោនាយករដ្ឋមន្ត្រី និង ចូលរួមថែរក្សាសន្តិភាព អោយបានគង់វង្ស។ ស្ថានទូតសូមថ្លែងអំណរគុណយ៉ាងជ្រាលជ្រៅចំពោះការចូលរួមរបស់បងប្អូនទាំងអស់គ្នា🙏🙏🙏។

សន្តិភាព គឺជាកត្តាកំណត់មិនអាចខ្វះបានដែលធ្វើឱ្យយើងមានអ្វីៗគ្រប់យ៉ាងដូចសព្វថ្ងៃ។ សន្តិភាពធ្វើឱ្យយើងមានឱកាសក្នុងការអភិវឌ្ឍជីវភាពគ្រួសារ។ សន្តិភាពផ្តល់ឱកាសឱ្យកូនចៅយើងបានរៀនសូត្រដើម្បីទទួលយកចំណេះជំនាញថ្មី បច្ចេកវិទ្យាសម័យទំនើប និងរស់នៅដោយគេចផុតពីការបំផ្លាញដោយសារភ្លើងសង្គ្រាម។ សន្តិភាពផ្តល់ឱ្យយើងនូវស្នាមញញឹម និងក្តីសង្ឃឹមលើអនាគតខ្លួន អនាគតកូនចៅខ្លួន ក៏ដូចជាលើអនាគតប្រទេសជាតិយើង។ សន្តិភាព បានធ្វើឱ្យកម្ពុជាអាចកាត់បន្ថយភាពក្រីក្របានយ៉ាងឆាប់រហ័សរហូតធ្វើឱ្យមាតុភូមិដែលធ្លាប់កំសត់មួយនេះ អាចធ្វើដំណើរចាកចេញពីស្ថានភាពប្រទេសក្រីក្រ មកទទួលឋានៈជាប្រទេសដែលមានប្រាក់ចំណូលមធ្យមកម្រិតទាប និងឆ្ពោះទៅប្រទេសមានចំណូលខ្ពស់នៅឆ្នាំ២០៥០។ សន្តិភាព ជាមូលដ្ឋានគ្រឹះដ៏រឹងមាំដែលធ្វើឱ្យយើងពង្រឹងខ្លួនឯងបានយ៉ាងល្អ ផ្តល់ឱកាសឱ្យយើងលើកស្ទួយកិត្យានុភាព និងអធិបតេយ្យជាតិកាន់តែរឹងមាំនៅលើឆាកអន្តរជាតិ។ សុខសន្តិភាព បានអនុញ្ញាតឱ្យយើងទាំងអស់គ្នាមានឱកាសគ្រប់គ្រាន់ក្នុងការស្តារ និងកសាងសេដ្ឋកិច្ចសង្គម ឱ្យមានការរីកចម្រើនជាលំដាប់លើគ្រប់វិស័យ និងបានគិតគូរលើការកសាង និងអភិវឌ្ឍន៍ធនធានមនុស្ស។

លិខិតជូនពររបស់ឯកឧត្តមឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេស និងសហប្រតិបត្តិការអន្តរជាតិ និង លោក ជំទាវ ជូន​ឯកអគ្គរាជទូត អគ្គកុងស៊ុល មន្រ្តីការទូតនិងបុគ្គលិកនៃស្ថានតំណាងកម្ពុជាទាំងអស់នៅក្រៅប្រទេស ក្នុងឱកាសបុណ្យចូលឆ្នាំថ្មី ឆ្នាំសកល ២០២១។