Category Archives: Embassy

ក្នុងគោលដៅជំរុញការទូតសេដ្ឋកិច្ច នៅថ្ងៃទី០១ ខែមិថុនា ឆ្នាំ២០២១ ឯកឧត្តមឯកអគ្គរាជទូត បានធ្វើបទបង្ហាញស្តីពីកម្ពុជា ដល់និស្សិតជប៉ុនដែលសិក្សានៅសាកលវិទ្យាល័យ Bunkyo Gakuin University (BGU) និង ឆ្លៀតឱកាស ជួបសំណេះសំណាលជាមួយថ្នាក់ដឹកនាំសាកលវិទ្យាល័យ BGU ផងដែរ។

នៅថ្ងៃទី១២ ខែឧសភា ឆ្នាំ២០២១ ឯកឧត្តមឯកអគ្គរាជទូត បានជួបសម្តែងការគួរសមជាមួយលោក TANAKA Satoshi ប្រធានវិទ្យាស្ថានជាតិសម្រាប់ការសិក្សាវិស័យការពារជាតិ(NIDS) នៃក្រសួងការពារជាតិជប៉ុន និងជួបពិភាក្សាដោយឡែកជាមួយលោក SHOJI Tomotaka ប្រធានផ្នែកអាស៊ីនិងអាហ្វ្រិក នៃនាយកដ្ឋានសិក្សាតំបន់ នៅវិទ្យាស្ថានNIDS។

“ជួបបែក បែកជួប “ សូមជូនពរ លោក យ៉ាង វ៉ាន់ហេង អនុព័ន្ធទទួលបន្ទុកគណនេយ្យ ធ្វើមាតុភូមិនិវត្តន៍ប្រកបដោយសុវត្ថិភាព បន្ទាប់ពីបានបញ្ចប់បេសកកម្មប្រកបដោយជោគជ័យរយៈពេល ៣ឆ្នាំ កន្លងមក។ អរគុណចំពោះការបំពេញភារកិច្ចជាក្រុម និងការស្នាក់នៅជាគ្រួសារស្ថានទូតតែមួយ។ សូមជូនពរលោកទទួលបានជោគជ័យក្នុងភារកិច្ចថ្មី និងសុភមង្គល ។

រីករាយបុណ្យចូលឆ្នាំប្រពៃណីជាតិខ្មែរ ឆ្នាំឆ្លូវ ត្រីស័ក ពុទ្ធសករាជ ២៥៦៥ យើងខ្ញុំទាំងអស់គ្នាសូមអ៊ុំពូមីង បងប្អូនទាំងអស់ សូមមានសុខភាពល្អបរិបូរណ៍ កម្លាំង​មាំមួន​ ចៀសផុតពីវីរុសកូវីដ១៩ និងសូមប្រ​កប​តែនឹងសេចក្តី​សុខ សេចក្តីចម្រើន​គ្រប់​ប្រការ។